काठमाडौं । गणेशमान सिंह मार्गको विषयमा मकवानपुरको चित्लाङमा आज हुने भनिएको छलफल स्थगित भएको छ । थाहा नगरपालिका ९ नम्वर वडा कार्यालयले एक सूचना जारी गर्दै छलफल तत्कालका लागि स्थगन गरेको हो ।
प्रधानमन्त्री पुष्पकमल दाहाल (प्रचण्ड) सडकको विषयमा छलफल गर्न जानुपर्ने भएकाले स्थानीयस्तरको छलफल स्थगन गरेको जनाएको छ । छलफलका लागि संघीय सांसद महेश बर्ताैला, थाहा नगरपालिकाका मेयर विष्णु विष्टलगायतका टोली प्रधानमन्त्री तथा मन्त्रिपरिषदको कार्यालय प्रस्थान गरेको सूचनामा उल्लेख छ । प्रधानमन्त्रीसँगको छलफलपछि स्थानीयस्तरमा आवश्यक छलफल गर्ने जनाएको छ ।
मंगलवार मात्रै यस क्षेत्रका सांसद महेश बर्तौलाले चित्लाङ सडक मर्मत, सडक दुर्घटनाको जोखिम स्थानहरुमा क्र्यास ब्यारियर तथा तारजाली राख्नका लागि छलफल थालेका थिए । वर्तोलाले सडक विभाग अन्तर्गत संघीय सुपरिवेक्षण तथा अनुगमन कार्यालयका प्रमुख अर्जुन प्रसाद अर्याल तथा सडक डिभिजन कार्यालय, काठमाण्डौं प्रमुख नारायण भण्डारीसँग छलफल गरेका हुन ।
“जोखिमयुक्त ठाउँहरुमा चाँडोभन्दा चाँडो दुर्घटना न्यूनिकरणका उपायहरु ऋपनाउने निर्णय भएको छ ।” बर्ताैलाले नेक्स खबरलाई भने । सरकारको प्राथमिकतामा नपर्दा यो सडक स्तरीकरण हुन नसकेको उनको भनाइ छ । “एक अर्ब बजेट चाहिनेमा हामीले ३० करोड रुपैंया माग्दा पनि जम्मा २ करोड रुपैंया दिइयो ।” बर्ताैलाले भने ।
यो रकमले धेरैमा ५ सय मिटर मात्रै कालोपत्रे हुन सक्ने सडक विभागको ठहर छ । थानकोटबाट दुर्घटनास्थल सेतो पहरासम्म करिब पाँच किमि छ । यो ठाउँसम्म पिच हुनलाई २० करोड बजेट चाहिन्छ । थानकोट–चित्लाङ सडक योजना भनेर ०७० यता करिव ३० करोड बजेट खर्च भईसकेको छ ।
चित्लाङ चन्द्रागिरी थानकोट सडकखण्डमा गत शनिवार भएको कार दुर्घटनामा ५ जनाको मृत्यु भएको थियो । शनिबार बिहान काठमाडौंबाट चित्लाङतर्फ जाँदै गरेको कार दुर्घटनामा ४ जनाको घटनास्थलमै र एक जनाको उपचारका क्रममा मृत्यु भएको थियो ।
दुर्घटनामा ३८ वर्षीय डा महेशकुमार गौतमको परिवारको मृत्यु भएको हो। डा गौतमसहित उनका ४ वर्षीय छोरा प्रियान्स गौतम, ६ वर्षीया छोरी स्मारिका गौतम, ६७ वर्षीय ओमकार निधि तिवारी र ६४ वर्षीया कल्पना तिवारीको मृत्यु भएको हो। दुर्घटनामा डा सृष्टि तिवारी गौतम भने घाइते छिन्। ।
यो सडकमा छोटो अवधिमा करिव १० जनाको ज्यान गएपछि स्थानीय आक्रोशित छन । केन्द्रिय राजधानी काठमाडौं प्रदेश राजधानी हेटौंडालाई जोडने सबैभन्दा छोटो यो मार्गको ट्रयाक खुलेको ६८ वर्ष वित्दा पनि कालोपत्रे हुन स b केको छैन । राणाकालमा कुलेखानी, भीमफेदी हुँदै यही बाटो भएर काठमाडौंमा गाडी बोकेर ल्याइन्थ्यो । यो सडकको लम्वाइ थानकोट गोदामदेखि मकवानपुर भंज्याङसम्म करिब २२ किमि छ । अहिले मकवानपुरतर्पm भन्दा पनि काठमाडौंतर्पmको सडकको अवस्था नाजुक छ ।
