काठमाडौं – इस्लामिक विद्रोहीले कब्जा जमाएर राष्ट्रपति बशर अल असदको सत्ता अपदस्त गरेसँगै इजरायलले सिरियामाथि हवाई आक्रमण सुरु गरेको छ । इजरायली युद्धक विमानहरुले सिरियामा १०० बढी ताजा हमला गरेको सिरियन अब्जरभेटरी फर ह्यूमन राइट्सले जनाएको छ ।
इजरायलले भने चरमपन्थीहरुको हातमा हतियार जानबाट रोक्नका लागि काम गरिरहेको प्रतिक्रिया दिएको छ । इजरायली प्रधानमन्त्री बेन्जामिन नेतन्याहुले आफ्नो मुलुकको सुरक्षाका लागि यो कारबाही जरुरी रहेको बताएका छन् ।
रुसको शरणमा पुगेका अपदस्त सिरियाली राष्ट्रपति बशर अल असदलाई आफ्नै नागरिकहरुमाथि चरम हिंसा गरेको र बैदी बन्दीलाई नारकीय जीवन जिउन बाध्य पारेकोलगायन संघीन आरोप लागेका छन्।
