काठमाडौं- यस वर्ष प्रभु इन्स्योरेन्सले पाँच प्रतिशत लाभांश दिने निर्णय गरेको छ । पछिल्लो आर्थिक वर्ष २०७९/८० को नतिजाबाट हालको चुक्ता पूँजीका आधारमा कम्पनीको फागुन २० गते बसेको बैठकले कर कारणबमोजिम ४.७५ प्रतिशत बोनस सेयर र ०.२५ प्रतिशत नगद लाभांश वितरण गर्ने सहमति गरेको हो ।
कम्पनीको अहिले १ अर्ब ३७ करोड ६१ लाख २२ हजार रुपैयाँ चुक्ता पुँजी रहेको छ । सोही पुँजी प्रयोग गरेर व्यवसायले लाभांश वितरण गर्नेछ । नेपाल बीमा प्राधिकरण र कम्पनीको आगामी बार्षिक साधारणसभाले स्वीकृत गरेपछि प्रस्तावित लाभांश वितरण हुनेछ ।
गत वर्षको तुलनामा यस वर्ष कम्पनीले कम लाभांश दिने भएको छ । कर प्रयोजनका लागि कम्पनीले गत वर्ष ०.३५ प्रतिशत नगद लाभांश र ६.७ प्रतिशत बोनस शेयर वितरण गरेको थियो ।
