काठमाडौ – भारतसँगको पछिल्लो द्वन्द्वमा पाकिस्तानले ११ सैनिकसहित ५१ जनाको ज्यान गएको जानकारी दिएको छ। पाकिस्तानी सेनाका अनुसार १९९ जना घाइते भएका छन्। सेनाको इन्टरसर्भिसेज पब्लिक रिलेसन्स (आईएसपीआर) ले मंगलबार यस्तो जानकारी दिएको हो।
पाकिस्तानी सेनामा ७८ जना घाइते भएको जनाइएको छ। आईएसपीआरले ‘६-७ मे २०२५ को रातमा, भारतीय सशस्त्र बलले महिला, बालबालिका र वृद्धवृद्धासहित निर्दोष नागरिकलाई लक्षित गर्दै अकारण र निन्दनीय कायर आक्रमण गरेको’ भनेको छ।
जम्मु कश्मीरको पहलगाममा २२ अप्रिलमा भएको आतंकवादी आक्रमणमा एक नेपालीसहित २६ जनाले ज्यान गुमाएका थिए। त्यसपछि भारत र पाकिस्तानबिच तनाव सुरु भएको हो।
