पाल्पा- पाल्पामा १६ वर्षीया युवतीमाथि बलात्कार गरेको आरोपमा एक जना पक्राउ परेका छन् । नवलपरासी पूर्वको विनय–त्रिवेणी गाउँपालिका–३ बस्ने २१ वर्षीय बुद्धबहादुर विकलाई प्रहरीले नियन्त्रणमा लिएको छ ।
जिल्ला प्रहरी कार्यालय पाल्पा र अस्थायी प्रहरी चौकी मादिफाँटको टोलीले बुधबार राति उनलाई नियन्त्रणमा लिएको हो ।
उनीमाथि सोमबार राति तानसेन नगरपालिका–९ दमकडा बेलडाँडास्थित घरमा बालिकालाई यौन दुर्व्यवहार गरेको आरोप छ । सोही उजुरीका आधारमा उनलाई नियन्त्रणमा लिइएको प्रहरीले जनाएको छ ।
यस घटनामा प्रहरीले थप अनुसन्धान गरिरहेको छ।
