काठमाडौं- चन्द्रागिरिका एक किशोर तीन दिनदेखी सम्पर्कविहिन भएका छन् ।
प्रहरी वृत्त थानकोटका अनुसार टेकानपुर स्थानीय १९ वर्षीय सन्देश बलामी स्कुटरसहित चैत्र २ गते शुक्रबारदेखि सम्पर्क विहिन भएका हुन् । प्रहरीले दिएको जानकारी अनुसार बा.प्र. ०२-०३१ प. ८९९७ नम्बरको स्कुटरसहित बलामी सम्पर्कविहिन भएका हुन् ।
परिवारका सदस्यहरूका अनुसार बलामीले बोक्ने मोबाइल समेत शुक्रबारदेखि नै ‘अफ’ भएको छ । बलामीको खोजी कार्य जारी रहेको प्रहरी वृत्त थानकोटले जनाएको छ ।
बलामी कतै देख्नुभएमा नजिकैको प्रहरी कार्यालय वा मोबाइल नम्बर ९८१३०५३५१३ मा सम्पर्क गरिदिन परिवारका सदस्यहरूले सबैमा अनुरोध गरेका छन् ।
